తెలుగు ఇండస్ట్రీలో మెగాస్టార్ అల్లుడు.. స్టార్ ప్రొడ్యూసర్ అల్లు అరవింత్ తనయుడు స్టైలిష్ స్టార్ అల్లు అర్జున్ కి ప్రమాదం జరిగిందని.. తీవ్ర గాయాలతో యశోదా ఆసుపత్రిలో చికిత్స పొందుతున్నారని తెలుగు రాష్ట్రాల్లో వార్తలు గుప్పుమంటున్నాయి.
త్రివిక్రమ్ శ్రీనివాస్ తో సన్నాఫ్ సత్యమూర్తి చిత్రం తర్వాత బన్నీ ప్రస్తుతం బోయపాటి శ్రీను దర్శకత్వంలో నటిస్తున్నారు. గీతా ఆర్ట్స్ బ్యానర్ పై పవర్ పుల్ దర్శకుడు బోయపాటి శ్రీను..అల్లు అర్జున్ కాంబినేషన్ అంటే చాలు ఇక ప్రేక్షకుల్లో సినిమా ప్రకటించిన నాటి నుంచే అంచనాలు పెరగటం సహజం. ఈ చిత్రం రెగ్యులర్ షూటింగ్ మొదలైన విషయం తెలిసిందే. ఈ చిత్రానికి "సరైనోడు " అనే టైటిల్ ని ఎంపిక చేసారు .
ఈ చిత్రం లో అల్లు అర్జున్ సరసన రకుల్ ప్రీత్ సింగ్ హీరోయిన్గా కనిపించనున్నది . ఈ సినిమాను గీతా ఆర్ట్స్ బ్యానర్పై అల్లు అరవింద్ భారీ ఎత్తున నిర్మిస్తున్నారు.తమిళ హీరో ఆది పినిశెట్టి విలన్గా నటించనున్నారు.ఈ చిత్రానికి యస్. యస్ .
తమన్ సంగీతాన్ని అందిస్తున్నారు. తాజాగా అల్లు అర్జున్ కు తీవ్ర గాయాలయ్యాయని, ఈ క్రమంలోనే అల్లు అరవింద్ కుటుంబం మొత్తం సికింద్రాబాదులోని యశోదా ఆసుపత్రికి చేరిందన్న పుకార్లు తెలుగు రాష్ట్రాల్లో కలకలం రేపుతున్నాయి.
