ఈ వృద్ధ మహిళకు ముగ్గురు పిల్లలు ఉన్నారు. పెద్ద కుమారుడి వయస్సు 76 సంవత్సరాలు. తన ముగ్గురు పిల్లలకు కలిగిన సంతానంతో మొత్తం 20 మందికి పైగా మనవళ్లు, మనవరాళ్లతో వెస్ట్ సూసెక్స్ ప్రాంతంలో డెరిస్ నివసిస్తూ వస్తోంది. ఈ స్థితిలో అబ్రహ్మాం కమ్యూనిటీ ఆస్పత్రిలో గత నెలలో ఆమెకు ఒక లేఖ వచ్చింది. అందులో ''నిండు గర్భవతి అయిన మీరు సెప్టెంబర్ 4వ తేది ఉదయం 9.45 గంటలకు మా ఆస్పత్రికి వచ్చి చీఫ్ గైనకాలజిస్ట్ వద్ద చెకప్ చేయించుకోవాలి'' అని రాసి ఉంది.
ఆ లెటర్ను చూసి దిగ్భ్రాంతి చెందిన డెరిస్, ఈ లేఖను తన కుటుంబీకులకు చూపించింది. అనంతరం ఆ ఆస్పత్రికి ఫోన్ చేసి, వారి చర్యలను తీవ్రంగా ఖండించింది. దీంతో అలెర్ట్ అయిన ఆస్పత్రి సిబ్బంది డెరిస్ అనే మరో మహిళకు పంపాల్సిన లేఖను పొరపాటుగా ఈమెకు పంపినట్టు గ్రహించారు. అనంతరం ఆస్పత్రి నిర్వాహకులు డెరిస్ ఇంటికి వచ్చి తమ క్షమాపనలు చెప్పుకున్నారు.