ఓ వైపు మ్యూజికల్ హిట్స్ తో దక్షిణాది సినీ లవర్స్ ను ఎంటర్ టైన్ చేస్తున్న యువ సంగీత కెరటం దేవిశ్రీప్రసాద్... హీరోయిన్లతోనూ సరదా సరదాగా ఉంటారనే టాక్ ఉంది. అందాల భామలతో అనుబంధం కారణంగా మనోడికి పెళ్లి వైపు మనసు మళ్లడం లేదని సినీ జనం గుసగుసలాడుకుంటుంటారు.
హాట్ బ్యూటీ ఛార్మి, దేవిశ్రీ ప్రసాద్ మధ్య చాలా రోజుల రొమాన్స్ నడించిందనే వారూ లేకపోలేదు. తాము మంచి ఫ్రెండ్స్ మాత్రమే అని ఈ ఇద్దరూ క్లారిటీ ఇచ్చినా... వీరి మధ్య ఏదో ఉందనో రూమర్స్ మాత్రం అప్పట్లో బాగానే వినిపించాయి. ఇదిలా ఉండగానే... తాజాగా దేవిశ్రీప్రసాద్ ఓ నయా హీరోయిన్ తో క్లోజ్ గా మూవ్ అవుతున్నాడనే పుకార్లు షికార్లు చేస్తున్నాయి.
తెలుగులో సక్సెస్ లు దక్కించుకున్నా... స్టార్ హీరోయిన్ రేంజ్ కు ఎదగలేకపోతున్న కన్నడ బ్యూటీ ప్రణీతతో దేవిశ్రీప్రసాద్ ఈ మధ్య బాగా సన్నిహితంగా ఉంటున్నాడట. ప్రస్తుతం ఒకటి రెండు తెలుగు సినిమాల్లో నటిస్తున్న ప్రణీత కూడా దేవిశ్రీతో మాట్లాడేందుకు ఎక్కువగా ఆసక్తి చూపిస్తున్నట్టు సినీ వర్గాలు చెవులు కొరుక్కుంటున్నాయి.
దీంతో.. యంగ్ మ్యూజిక్ డైరెక్టర్ లైఫ్ లోకి మరో కొత్త హీరోయిన్ చేరిపోయిందనే టాక్ బలంగా వినిపిస్తోంది. కొందరైతే... ప్రణీతకు కొత్త ఆఫర్లు వెతికిపట్టే పనిని కూడా దేవి తీసుకున్నాడేమో అని చర్చించుకుంటున్నారట. మరి... ఈ ఇద్దరి మధ్య సమ్ థింగ్ సమ్ థింగ్ అని వస్తున్న రూమర్స్ పై వీరిలో ఎవరు ముందుగా స్పందిస్తారో చూడాలి.